သဘာဝတရားကဖန်ဆင်းလို့
ငါ .... ကြီးပြင်းခဲ့ရတယ်။
ဖြတ်သန်းခဲ့တဲ့လမ်းတစ်လျှောက်
ကောက်ချည်တစ်ခါ
ဖြောင့်ချည်တစ်လှည့်နဲ့
ကြောက်ချိန်တန်တော့ကြောက်
မောက်ချိန်တန်တော့မောက်ခဲ့ရတယ်
ပျော့တဲ့နေရာနက်နက်တူး
အမာနဲ့တွေ့တော့ကွေ့ရှောင်
ငါ့ခန္ဒာအစိတ်အပိုင်းတွေတောင်
မြစ်ကျိုးအင်းဖြစ်တည်ခဲ့ ......
ညဥ့်ဦးယံ ဒီတက်ပြန်တော့
အမြုပ်တစ်စီစီထလို့
ငါ့အရောင်ဟာ နောက်ကျိခဲ့ရတယ်
သြော် .....
ငါနဲ့အတူနေမယ်ပြောတဲ့ငါးတွေတောင်
အတောင်တွေပေါက်လို့
ငါ့ရင်ကို ဖောက်ထွက်ခဲ့ကြပြီ ......
လူ
No comments:
Post a Comment